Автомобиллар туриш жойи — автомобиллар сақланиши ёки туриши учун мўлжалланган очиқ майдончалар. Автомобилларни сақлаш учун мўлжалланган жойлар соябонлар, енгил тўсиқлар билан ўралган бокслар ҳамда кўрикдан ўтказиш эстакадалари билан жиҳозланиши мумкин. Автомобилларнинг туриш жойлари кўчадан ташқарида (шу жумладан, транспорт қатнайдиган йўлнинг қисман кенгайтирилган жойида) ёки кўчанинг ўзида (транспорт қатнайдиган йўлнинг белгилар билан кўрсатилган қисмида) ташкил қилиниши мумкин.